Presidentja Vjosa Osmani po qëndron në Hungari ku po përfaqëson Republikën e Kosovës në samitin e pestë të Komunitetit Politik Evropian (EPC).
Në kuadër të Samitit, Osmani ka zhvilluar takime bilaterale me liderë të shteteve të ndryshme evropiane.
Osmani ka ndarë një foto nga takimi me presidentin e Turqisë, Recep Tayip Erdogan.
“Gjithnjë kënaqësi ta takoj Presidentin e shtetit mik e aleat, Republikës së Turqisë, z.Recep Tayyip Erdoğan, kësaj radhe në suaza të Samitit të Komunitetit Politik Evropian në Budapest”, ka shkruar Osmani në Facebook.
Ndryshe takimi i Komunitetit Politik Evropian ka mbledhur liderë nga 47 shtete nga i gjithë kontinenti, në Budapest
Osmani po merr pjesë në dy sesionet plenare të EPC-së, si dhe do të mbajë dy fjalime, njërin në seancë plenare dhe tjetrin në tryezën punuese për sigurinë ekonomike.
